طريقة الغاء الأشتراك بالقروبات

السلام عليكم و رحمة الله وبركاته

الكثير منا يغلط و يسجل بقروبات بريدية ( مجموعة بريدية ) و بعضها تسبب له
ازعاج من كثرة رسائلها و مرات تلاحظون لما نسجل بقروب
واحد بعدها بمدة تلقائياً ايميلنا يتسجل بقروبات ثانية مع اننا
ما سجلنا الا بقروب واحد بس

انا شخصياً عانيت من هالمشكلة ... و الحمدلله سويت
الغاء للأشتراكات و رجعت الامور تمااام

ما اطول عليكم
أخواني / أخواتي ... هذي طريقة الغاء الاشتراك بالتفصيل

القروبات نوعين ... يا إما على الـ Yahoo او على الـ Google

ما عليك الا انك ترسل رسالة فارغة من ايميلك اللي تبي
تلغي الاشتراك فيه على احد الإيميلن ...

اذا كان القروب على الـ Yahoo ، ارسل رسالة فارغة على الأيميل

XXXXXX-Unsubscribe@yahoogroups.com

اذا كان القروب على الـ Google ، ارسل رسالة فارغة على الأيميل

XXXXXX-Unsubscribe@groups.google.com

.:::. ملاحظة .:::.

XXXXXX = اسم القروب باللغة الإنجليزية

و تحصلونه دوم في اسفل رسائل القروب اذا فتحتوها

بعد ما ترسل الرسالة الفارغة بالشكل الصحيح راح توصلك رسالة من Yahoo او Google
تطلب منك إعادة ارسالها اذا كنت فعلاً ناوي الغاء الاشتراك بالقروب

ما عليك الا تسوي لها Replay (اعادة ارسال) بعدين Send (ارسال)

بعدها بتوصل لك رسالة تفيدك ان عملية الغاء الاشتراك تمت بنجاح

وتقبلوا تحياتي